Plantun de Prouvènço

Pèr coumpara dos planto d'encò nostre

Asplenium trichomanes subsp. quadrivalens & Ranunculus acris

Erbo-de-l'escaleto

Asplenium trichomanes subsp. quadrivalens

Aspleniaceae

Àutri noum : Erbo-de-la-bresego, Poulitri, Efiouse.

Noms en français : Capillaire des murailles, Doradille polytric.

Descripcioun :
L'erbo-de-l'escaleto trachis sus li paret e roucas, pulèu à l'oumbro, dins li relarg umide. Porto bèn soun noum que li foundo soun facho de pichot paréu de peno que dounon d'èr à uno escaleto. Lou pecou èi negre e brihant. A val de Blore ié dison l'efiouse.

Usanço :
Es uno planto vertuouso contro lou tussi et li mau de garganto. Pèr acò, faire uno tisano de 8 g de foundo e 1 litre d'aigo boulento (Èi poussible de n'en faire peréu un sirop emé proun de sucre). Dèu peréu apasima li bresego (o mau-blanc).

Port : Pichoto planto lignouso
Taio : 4 à 40 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms - Estiéu - Autouno

Sòu : Ca (Si)
Autour basso e auto : Pancaro entresigna
Aparado : Noun

Liò : Paret - Relarg umide - Roucas
Estànci : Coulinen à Subaupen
Couroulougi : Éuropo
Ref. sc. : Asplenium trichomanes subsp. quadrivalens D.E.Mey., 1964 (= Asplenium trichomanes L. )

Boutoun-d'or

Ranunculus acris

Ranunculaceae

Àutri noum : Bacineto, Poumpoun-d'or, Loup-pauto, Pato-de-loup, Bacin-d'or.

Noms en français : Renoncule âcre, Bouton-d'or.

Descripcioun :
Lou boutoun-d'or es uno planto couneigudo mai pas toujour bèn destriado de si cousino di flour jauno peréu. Arregarda li sepalo peludo que dèvon èstre pegado contro li petalo e li fueio telado e descoupado (mai pas fin qu'au pecou). Lis akène negre an un bè un pau recourba.

Usanço :
Tóuti li ranouncle caupon de proutouanemounino, empouisounanto. Avèn pas trouba d'usanço particulièro au nostre. D'ùni pople indian d'Americo n'en manjon li fueio après en agué fa bouli mant'un cop li fueio. Aquéli servien peréu pèr sougna li mau de tèsto. Pòu tencha la lano en vióulet emé de bicarbounato de soudo.